"Chelsi" hujumchisi Pyer-Emerik Obameyang yakshanba kuni "Barselona" va "Real" o‘rtasidagi uchrashuvga tashrif buyurdi. Gabonlik forvard nafaqat “Kamp Nou”da futbol tomosha qildi, balki avvalroq o‘ynagan Kataloniya jamoasining kiyim almashtirish xonasiga ham kirdi. Daily Mail xabariga ko‘ra, "Chelsi" Obameyangning ushbu safaridan norozi.
Pyer-Emerik Obameyang joriy mavsum oxirida "Chelsi"ni tark etishi kutilmoqda. 33 yoshli gabonlik futbolchi "Barselona"ga qaytishi mumkin. Xavi klub rahbarlaridan Obameyangni qayta sotib olishni so‘ragani haqida ma’lumotlar bor.
Transfermarkt portali ekspertlari forvardni 7 million yevroga baholamoqda.