«Рубин»нинг собиқ устози Эдуардо Докампо аввал Қозон клубида тўп тепган «Наполи» ҳужумчиси Хвича Кварацхелия ҳақида ўз фикрлари билан ўртоқлашди.

Мутахассиснинг айтишича, грузиялик футболчи Россиядаги ўйинлари давомида фақат футболга эътибор қаратган, базада яшаган ва қўшимча машғулотлар ўтказган.

«Хвича махсус иқтидор соҳибими? Ҳа, бу дарҳол сезилди. Ўйлайманки, у катта ўйинчига айланиб, Европага кетади», - дея Докампонинг сўзларини келтиради Матч ТВ.

Шунингдек, испаниялик мураббий Кварацхелиянинг ривожланиш даражаси кучлилиги ва келажакда у «Реал Мадрид»га ўтиши мумкинлигини таъкидлади.

22 ёшли футболчи жорий мавсум «Наполи» сафида 30 та ўйинда майдонга тушиб, 14 та гол урди ва 16 та голли узатмани амалга оширди. Transfermarkt портали Грузия терма жамоаси футболчисини 85 миллион еврога баҳоламоқда.