"Атлетико" Пауло Дибалани қўлга киритиш учун ҳаракатни кучайтирди. Todofichajes нашрининг ўз саҳифаларида ёзишича, Мадрид жамоаси бош мураббийи Диего Симеоне Аргентина терма жамоасининг 29 ёшли ҳужумчисини ўз жамоасига жалб қилиш ғоясига том маънода берилиб кетган.
Қайд этилишича, "Атлетико" Пауло Дибала учун 12 миллион евро тўлашга тайёр. Бу сумма футболчининг "Рома" билан хориж клублари учун тузган амалдаги шартномасида кўрсатилган.
2022/2023 йилги мавсумда Пауло Дибала "Рома" таркибида 29 та расмий ўйинда майдонга тушди. Уларда ҳужумчи 13 та гол урди ва 8 та голли узатма берди.
