Қишки трансфер ойнасида ҳужумчи Жоау Феликс «Атлетико»дан «Челси»га ўтди.
Лондон клуби 23 ёшли португалияликни 2022/2023 йилги мавсумнинг қолган қисми учун ижарага олди. Ижара муддати тугагач, Феликс Мадрид клубига қайтишни истамаяпти.
Журналист Педро Алмейданинг ижтимоий тармоқларда ёзишича, футболчи ўз қарори ҳақида аллақачон «матрасчилар»ни хабардор қилган.
Нуфузли transfermarkt портали экспертлари Жоау Феликсни 50 миллион еврога баҳоламоқда. «Челси» учун португалиялик 9 та ўйин ўтказишга муваффақ бўлди. Уларда Феликс иккита гол урди.
Қўшимча қиламизки, «Челси» ҳозирда Премьер-лига жадвалида бор-йўғи ўнинчи ўринни эгаллаб турибди.
