Qishki transfer oynasida hujumchi Joau Feliks «Atletiko»dan «Chelsi»ga o‘tdi.

London klubi 23 yoshli portugaliyalikni 2022/2023 yilgi mavsumning qolgan qismi uchun ijaraga oldi. Ijara muddati tugagach, Feliks Madrid klubiga qaytishni istamayapti.

Jurnalist Pedro Almeydaning ijtimoiy tarmoqlarda yozishicha, futbolchi o‘z qarori haqida allaqachon «matraschilar»ni xabardor qilgan.

Nufuzli transfermarkt portali ekspertlari Joau Feliksni 50 million yevroga baholamoqda. «Chelsi» uchun portugaliyalik 9 ta o‘yin o‘tkazishga muvaffaq bo‘ldi. Ularda Feliks ikkita gol urdi.

Qo‘shimcha qilamizki, «Chelsi» hozirda Premyer-liga jadvalida bor-yo‘g‘i o‘ninchi o‘rinni egallab turibdi.