"Марсель" ҳужумчиси Алексис Санчес Месут Ўзилнинг футболчилик фаолиятини якунлагани ҳақида гапирди.

Эслатиб ўтамиз, ўз вақтида футболчилар Лондоннинг "Арсенал" жамоасида бирга ўйнашган.

“Биз бир-биримизни ҳақиқатан ҳам яхши тушунардик, дўстим. Сизга ҳаётингизни кейинги босқичида омад тилайман”, деб ёзган чилилик ҳужумчи ижтимоий тармоқда, унга Ўзил “Раҳмат ука” деб жавоб берган.

Месут Ўзил 34 ёшида бутсаларини михга илди. Унинг сўнгги клуби Туркиянинг "Башакшеҳир" клуби бўлган. Олдинроқ германиялик ҳужумкор ярим ҳимоячи “Фенербахче”, “Реал Мадрид”, “Вердер” ва “Шальке 04” клубларида тўп сурган, шунингдек, Германия терма жамоасида 92 та ўйинда майдонга тушган.