Италия терма жамоаси бош мураббийи Роберто Манчини терма жамоа олдига қўйган мақсадлари ҳақидаги саволга жавоб берди.

Пайшанба куни италияликлар Европа чемпионати - 2024 саралаш босқичининг биринчи босқичи доирасидаги ўйинда Англия терма жамоасини қабул қилишади.

“Ўтган йили жаҳон чемпионатига чиқа олмаганимизда катта умидсизликни бошдан кечирдик, бироқ ўзимизни тиклаб, Миллатлар лигасининг финал тўртлигига киришга муваффақ бўлдик. Бизнинг яқин келажакдаги мақсадларимиз – Миллатлар лигасида ғалаба қозониш ва Европа чемпионатига йўлланма олиш, кейин эса турнирнинг финал босқичида амалдаги чемпион сифатида имкон қадар муваффақиятли иштирок этиш”, — деди Манчини матбуот анжуманида.