Франция терма жамоаси ҳужумчиси Маркус Тюрам Килиан Мбаппени янги сардор этиб тайинлаш қарорини қўллаб-қувватлади.
Уго Льорис кетганидан сўнг Дидье Дешам Мбаппе ва Антуан Гризманн ўртасидан сардорни танлади, натижада "ПСЖ"нинг 24 ёшли ҳужумчиси бу танловда ғолиб бўлди.
"Менимча, Килианнинг терма жамоага қилган хизматларини инобатга олган ҳолда, бу мантиқан тўғри қарор. У харизматик, майдонда ҳам, ундан ташқарида ҳам ҳақиқий етакчи. У ҳар доим ёрдам қўлини чўзишга ва барчани бирлаштиришга тайёр", - деди Тюрам.
24 март куни Франция терма жамоаси Европа чемпионати – 2024 саралаш босқичининг 1-тури доирасида Нидерландияга қарши баҳс олиб боради.
