“Барселона”нинг собиқ футболчиси Андрес Иньеста собиқ жамоадоши Хави Эрнандеснинг клуб бош мураббийи сифатидаги фаолияти ҳақида гапирди.
“Мен “Барселона”да ишлашнинг мураккаблигини тушунаман. Аммо Хавининг келиши билан жамоа олға силжишни бошлаганини тан олмаслик мумкин эмас. Уларнинг ўйини анча яхши ва ажойиброқ бўлди. Умид қиламанки, бу мавсумда "Барселона" Испания чемпиони бўлади ва кейинги мавсумда барча мумкин бўлган совринлар учун курашади", - дейди Андрес.
Испания чемпионатининг 26-туридан сўнг “Барселона” 68 очко жамғариб, энг яқин таъқибчисидан 12 очкога илгарилаб кетди.
