"Порту" дарвозабони Диогу Кошта мавсум охирида жамоасини тарк этиши мумкин. Журналист Саймон Филлипснинг фикрича, Португалия жамоаси молиявий муаммолар туфайли ўз дарвозабони билан хайрлашишга мажбур бўлиши мумкин.
Аввалроқ Коштага кўплаб топ-клублар, жумладан, Англия Премьер-лигаси жамоалари ҳам қизиқиш билдираётгани хабар қилинганди. Унга қизиқаётган жамоалар рўйхатидан "Манчестер Юнайтед" ва "Челси" клублари ўрин олган.
Жорий мавсумда 23 ёшли Кошта Португалия чемпионатида 25 та ўйинда майдонга тушиб, 13 тасида ўз дарвозасини қуруқ сақлаган. Дарвозабоннинг потенциал трансфери қиймати 75 миллион еврога баҳоланмоқда.
