Норвегия терма жамоаси ярим ҳимоячиси Мартин Эдегор жамоадоши Эрлинг Холанднинг жароҳати ҳақида фикр билдирди ва норвегияликларга дунёнинг энг яхши футболчиларидан бирини йўқотиш ёқимсиз, аммо шунга қарамай, улар усиз ўйнашни давом эттиришга тайёрлигини айтди.
"Дунёнинг энг яхши футболчиларидан бирини йўқотаётганимиз афсусдамиз, лекин бош мураббий айтганидек, бу вазиятни ортда қолдириб, бунга кўп вақт сарфламаслик керак. Биз бор эътиборимизни ўйинчиларимизга қаратишимиз керак. Бизда яхши натижаларга эриша оладиган жуда яхши жамоа бор", - деди Эдегор TV2 билан суҳбатда.
Олдинроқ Норвегия терма жамоаси матбуот хизмати Холанднинг жағ қисмидан жароҳат олгани, шу сабабли у Евро-2024 саралашида жамоасига ёрдам бера олмаслиги ҳақида хабар берган эди.
