Италия терма жамоаси 1961 йилдан бери илк бор ўз уйида инглизларга мағлуб бўлди, аммо Италия терма жамоаси бош мураббийи Роберто Манчини бундан фожиа қилишга мойил эмас.

Унинг фикрича, саралаш босқичи ҳали вазиятни ўзгартириш учун имконият яратади.

«Эътиборсизлик туфайли иккита гол ўтказдик, биринчи бўлим қийин кечди, иккинчисида устунлик қилдик.

Ўйлайманки, биз ҳисобни тенглаштиришга лойиқ эдик. Энди қайта тикланадиган пайт келди. Олдинда ҳали кўп ўйинлар бор», - дея Манчинининг сўзларини келтиради Италиянинг ITASportPress агентлиги.

Италия терма жамоаси навбатдаги ўйинни якшанба куни Мальта билан ўтказади.