Италия терма жамоаси бош мураббийи Роберто Манчини Евро-2024 саралашининг 1-турида Англия терма жамоасига қарши ўйиндаги мағлубият (1:2) ҳақида фикр билдирди.
“Биз қийин ўйин бўлишини билардик. Стандартдан иккита гол ўтказиб юбордик, эҳтиёткорроқ бўлишимиз керак эди. Иккинчи бўлимда устунлик қилдик ва дурангга лойиқ бўлгандирмиз. Натижадан ҳафсаламиз пир бўлди, бироқ олдимизда ҳали кўп йўл бор.
Иккинчи бўлимда биз яхшироқ, юқорироқ прессинг қила олдик ва мен яна ажойиб жамоани кўрдим. Бу бизга умид бахш этади. Англия ҳар доим ўйинда хавфли, аммо биз бу икки голни ўтказиб юбормаслигимиз керак эди.
Ретеги ўз жамоадошлари ва бизнинг талабларимиз билан ҳали танишмаган. Биринчи бўлимда жисмоний жиҳатдан жуда кучли бўлган инглиз ҳимоячилари билан қийинчиликка учраган бўлса, иккинчи бўлимда яхшироқ ўйнади. У ёш ва менимча, унга озгина вақт керак", - дея Манчини сўзларини келтиради УEФА расмий сайти.
