Italiya terma jamoasi bosh murabbiyi Roberto Manchini Yevro-2024 saralashining 1-turida Angliya terma jamoasiga qarshi o‘yindagi mag‘lubiyat (1:2) haqida fikr bildirdi.
“Biz qiyin o‘yin bo‘lishini bilardik. Standartdan ikkita gol o‘tkazib yubordik, ehtiyotkorroq bo‘lishimiz kerak edi. Ikkinchi bo‘limda ustunlik qildik va durangga loyiq bo‘lgandirmiz. Natijadan hafsalamiz pir bo‘ldi, biroq oldimizda hali ko‘p yo‘l bor.
Ikkinchi bo‘limda biz yaxshiroq, yuqoriroq pressing qila oldik va men yana ajoyib jamoani ko‘rdim. Bu bizga umid baxsh etadi. Angliya har doim o‘yinda xavfli, ammo biz bu ikki golni o‘tkazib yubormasligimiz kerak edi.
Retegi o‘z jamoadoshlari va bizning talablarimiz bilan hali tanishmagan. Birinchi bo‘limda jismoniy jihatdan juda kuchli bo‘lgan ingliz himoyachilari bilan qiyinchilikka uchragan bo‘lsa, ikkinchi bo‘limda yaxshiroq o‘ynadi. U yosh va menimcha, unga ozgina vaqt kerak", - deya Manchini so‘zlarini keltiradi UEFA rasmiy sayti.