Каталониянинг "Барселона" клуби маошларни қисқартириш устида ишламоқда.
AS нашри хабарига кўра, "кўк-анорранглилар" раҳбарияти энди чап қанот ҳимоячиси Жорди Альбани маошини камайтиришга ҳаракат қилмоқда.
"Барселона" Альбага, агар у жамоада қолишни истаса, маошини камайтириши кераклигини айтган. Клуб Жорди муросага келади ва вазиятга тушуниш билан ёндашади, деб умид қилмоқда.
Эслатиб ўтамиз, "Барселона"нинг маош варақасида Альба ҳозирда тўртинчи ўринда. Испаниялик ҳимоячи йилига деярли 21 миллион евро маош олади, бу жамоанинг энг яхши тўпурари Роберт Левандовски билан бир хил.
