"Манчестер Юнайтед"нинг собиқ ҳужумчиси Алексис Санчес 2018 йилнинг қишида "Олд Траффорд"га ўтганидан афсусда эмаслигини айтди. Эслатиб ўтамиз, чилилик футболчи "қизил иблислар" таркибида бор-йўғи бир ярим мавсум ўтказди ва шундан сўнг "Интер"га ўтди.
"Манчестер Юнайтед"га ўтганимдан афсусланмайман. Ҳаётда ҳар хил нарса бўлади, лекин ҳамма нарсанинг ўз сабаби бор. Ўша мавсумда "Манчестер Сити"га ўтганим маъқулроқ бўларди. У ерда мен бугунга келиб, албатта, Чемпионлар лигасини ютган бўлардим", - дея Санчесдан иқтибос келтиради Sport Witness.
Айни дамда Алексис Франциянинг "Марсель" жамоасида ўйнамоқда. 34 ёшли чилилик футболчи Лига 1да жорий мавсумда 12 та гол ва 1 та голли узатмага эга.
