Ўз вақтида ҳужумчи Алексис Санчес "Арсенал"дан "Манчестер Сити"га ўтиши мумкин эди. Бироқ, келишув муваффақиятсизликка учради. 34 ёшли чилилик футболчи ўша вазият ҳақидаги хотиралари билан ўртоқлашди.
"Мен "Манчестер Сити"га ўтмоқчи эдим. Мен ҳар куни Хосеп Гвардиола билан гаплашардим. Ҳаммаси тайёр эди – "Арсенал"да менинг ўрнимни эгаллаши керак бўлган футболчи бор эди. Ўшанда Арсен Венгер менга: "Сен кетмайсан, чунки бошқа ўйинчи бизга қўшилишни истамади ва бизда муқобил вариант йўқ" - деди" - деб хотирлайди Санчес TVN билан суҳбатда.
Ҳозир Алексис Санчес Лига 1да "Марсел"да ўйнайди. 2022/2023 йилги мавсумда 34 та ўйинда чилилик футболчи 16 та гол урди.
