Франция терма жамоаси ҳужумчиси Килиан Мбаппе Нидерландияни мағлуб этганидан кейин (4:0) журналистлар саволларига жавоб берди.
Жамоа сардори Евро-2024 саралаш учрашувининг бош қаҳрамонларидан бирига айланиб, дубль қайд этди ва Антуан Гризманнга ассистентлик қилди.
“Мухлисларимизни ҳафсаласини пир қилмаслик учун ҳафта бўйи тайёргарлик кўрдик. Биз финални ҳисобга олмаганда, жаҳон чемпионатидагидек руҳда давом этмоқчимиз. Ажойиб старт, лекин гуруҳдаги барча кураш ҳали олдинда.
Ишимни аввалгидек бажаришда давом этаман. Жамоага ёрдам беришга, ҳал қилувчи бўлишга ҳаракат қиламан. Бугун ҳаммаси яхши ўтди, аммо бу фақат биринчи қадам”, деди Мбаппе.
