"Барселона" бош мураббийи Тито Виланова жамоа яримҳимоячиси Сеск Фабрегаснинг жисмоний ҳолатидан қониқаётганлигини билдирди, дея хабар беради испан матбуоти.

Охирги пайтларда Испания футбол жамоатчилиги терма жамоа аъзоси бўлмиш Фабрегаснинг "Барса" сафида ўзини қандай ҳис қилаётганини муҳокама қилмоқда. Бунга сабаб футболчи каталаонияликлар таркибига ҳар доим ҳам киритилмаяпти.

"Гап жуда юқори савияли футболчи ҳақида кетмоқда, - дейди Виланова. - У бошқа исталган клубнинг асосий таркибида ўйнай олиши мумкин. "Барселона"да эса у дунёнинг энг яхши бўлган футболчилар билан рақобатлашиши керак. У машғулотларда яхши ишлайди, майдонга тушган ўйинларда ҳам яхши ўйнайди. Аксинча фикрлайдиганларга қўшилмайман. Баъзан футболчи бор маҳоратини кўрсата олмагани учун мураббий жавоб беришига тўғри келади".