“Интер” марказий ҳимоячиси Милан Шкриньяр белидан жароҳат олди.
Жароҳат туфайли 28 ёшли футболчи Словакия терма жамоаси жойлашган жойини тарк этди. L'Equipe нашри хабарига кўра, вазият Шкриньярнинг бўлажак клуби "ПСЖ"да диққат билан кузатилмоқда: Париж вакиллари футболчининг бел қисмидаги муаммолари унинг келажагига таъсир қилиши мумкинлигидан хавотирда.
Милан "нерадзуррилар" билан муддати тугайдиган шартномасини узайтиришдан бош тортгани учун июнь ойида клубни эркин агент сифатида тарк этади. Футболчи "ПСЖ" билан дастлабки шартнома имзолаган.
