Аргентина терма жамоаси ҳужумчиси Лаутаро Мартинес Панамага (2:0) қарши ўртоқлик ўйинидан сўнг ЖЧ-2022 финалида Франция устидан қозонилган ғалабани эслаб, микрофонни олди ва Дидье Дешам шогирдлари учун бир дақиқалик сукут эълон қилди, деб хабар бермоқда La Nueva.
Эслатиб ўтамиз, жаҳон чемпионати финалида Аргентина терма жамоаси французларни пенальтилар сериясида 4:2 ҳисобида мағлуб этганди. Учрашувнинг асосий вақти 3:3 ҳисобида дуранг билан якунланди.
Бу соврин Аргентина терма жамоаси учун тарихдаги учинчи унвон бўлди. Турнирнинг энг яхши футболчиси сифатида ҳужумчи Лионель Месси топилди. У 7 та гол уриб, 3 та голли узатмани амалга оширди.
