Мадриднинг “Атлетико” клуби ҳужумчиси Альваро Мората фаолиятини “Милан”да давом эттириши мумкин, дея хабар беради La Gazette Dello Sport.

Нашрнинг ёзишича, Италия клуби раҳбарияти Моратани юқори савияли ҳужумчи деб ҳисоблайди ва ёзги трансфер ойнасида унга таклиф билан чиқишни режалаштирмоқда.

Испаниялик ва “матрасчилар” ўртасидаги амалдаги келишув 2024 йилнинг ёзига қадар тузилган.

Жорий мавсумда у 26 та ўйинда майдонга тушиб, 10 та гол урди ва 2 та голли узатмани амалга оширди. Transfermarkt порталига кўра футболчининг нархи 25 миллион еврога баҳоланмоқда.