"Реал" ярим ҳимоячиси Лука Модрич Криштиану Роналду ҳозир тўп сураётган "Ан-Наср"га ўтиши мумкинлиги ҳақидаги миш-мишларга изоҳ берди.
"Роналду билан яна битта жамоада ўйнайманми? Очиғи, бундай саволларга жавоб беришдан чарчадим. Ҳамма мендан бу ҳақда сўрайди, бу аллақачон зерикарли мавзуга айланди. “Реал”да қолмоқчи эканлигимни аввал ҳам айтгандим", - деди Модрич AS нашрига.
Эслатиб ўтамиз, мавсум якунида Лука "Реал" билан шартномасини якунлайди. Модрич аввалроқ фаолиятини "Сантьяго Бернабеу"да якунламоқчи эканлигини айтганди. Ярим ҳимоячи Ла Лига жорий мавсумида 4 та гол уриб, 3 та ассистентлик амалга оширди.