Россия терма жамоасининг собиқ бош мураббийи Фабио Капелло "Наполи"нинг жорий Чемпионлар лигасидаги истиқболлари ҳақида фикр билдирди.
"Наполи" финалга чиқа олади, чунки ҳозир уларда тажрибали мураббий ва яхши футболчилар бор. Майдонда Осимхен ва Кварацхелия фарқ қилади. Жамоа Италия чемпионатида ҳам яхши ўйнаяпти", - деди Капелло Marca билан суҳбатда.
Чемпионлар лигасининг 1/8 финалида “Наполи” “Айнтрахт”ни мағлуб этиб, ҳар икки учрашувда ҳам ғалаба қозонди (2:0, 3:0). Турнирнинг чорак финалида Лучано Спалетти шогирдлари “Милан” билан тўқнаш келишади. Биринчи ўйин 12 апрель куни, жавоб баҳслари 18 апрел куни бўлиб ўтади.
