Мюнхеннинг “Бавария” бошқаруви раиси Оливер Кан ўз лавозимидан истеъфога чиқарилган Юлиан Нагельсманнинг ўрнига келган жамоанинг янги бош мураббийи Томас Тухелнинг фазилатларини юқори баҳолади.
"Томаснинг фазилатлари ҳақида кўп гапиришга ҳожати йўқ, улар жуда таъсирли. Фақат унинг карьерасига қаранг. "ПСЖ"дек жамоани бошқариш жуда қийин, аммо у жамоани Чемпионлар лигаси финалига олиб чиқди. У биринчи кунданоқ "Челси"да ҳам жуда муваффақиятли бўлди. Тухель ажойиб резьюмега эга" - деди Кан матбуот анжуманида.
Тухель бундан сал салкам икки йил муқаддам "Челси" бошчилигида Чемпионлар лигасида ғалаба қозониб, финалда "Манчестер Сити"ни мағлуб этганди.
