"Бавария" бош мураббийи Томас Тухель қўл остидаги таркибнинг савиясини юқори баҳолади.
Эслатиб ўтамиз, германиялик мутахассис кеча расман мюнхенликларнинг янги устози этиб тайинланган бўлиб, Юлиан Нагельсманнинг ўрнини эгаллади.
"Ғалаба "Бавария"нинг ДНКси. Жамоанинг ҳозирги таркиби Европадаги энг иқтидорли ва энг кучлиларидан бири ҳисобланади. Мен бу футболчилар билан ишлашни бошлашни интиқлик билан кутяпман. Бундай футболчилар билан барча совринлар учун курашишингиз мумкин”, - деди Тухель матбуот анжуманида.
Эслатиб ўтамиз, Тухель аввалроқ Дортмунднинг "Боруссия" клубини бошқарган.
