"Манчестер Юнайтед" марказий ҳимоячиси Рафаэль Варан Англия Премьер-лигаси рақобатбардошлиги ҳақида фикр билдирди, шунингдек, "Реал"да ўтказган вақтини эслади.
“Англиядаги рақобатбардошлик даражаси ақл бовар қилмайди. Биз Европа Лигасида Ла Лигада 5-ўринни эгаллаб турган “Бетис”га қарши ўйнадик ва ўша ҳафтадаги сўнгги АПЛ ўйинида “Саутгемптон”га қарши ўйнадик ва тўғрисини айтсам, қайси ўйин энг қийин бўлганини айтиш қийин.
"Реал"да биз шунчалик кўп ғалаба қозонганмизки, яна битта ғалаба одатий ҳол, мағлубият эса инқироз сифатида қабул қилинарди. Аммо Англияда ҳар бир ғалаба жуда қониқарли, чунки ҳар бир ўйинда энергия сарфи катта. Бу бошқа футбол тури ва у менда ҳар бир ўйинда ғалаба қозониш иштиёқини жонлантирди", - деди Варан GQ билан суҳбатда.
