"Барселона" Жорди Альбадан маошини камайтиришни сўраши мумкин.
Олдинроқ каталонияликлар маоши чегарасига тўғри келиши учун ҳимоячи билан шартномани бекор қилмоқчи экани, чунки кейинги мавсумда клуб унга тахминан 38 миллион евро маош ва кечиктирилган тўловларни тўлаши кераклиги ҳақида хабар берилганди.
Агар бу амалга ошмаса, "блауграна" 34 ёшли футболчидан маошини сезиларли даражада камайтиришни сўрайди, дея хабар беради Diario Sport.
Шунингдек, футболчининг маошини бир неча мавсумга бўлиш мақсадида “Барса” ва Альба келаси йил тугайдиган шартномани узайтиришга рози бўлишлари ҳам мумкин.
Худди шундай схемага кўра, каталонияликлар билан шартномани ҳимоячи Самуэль Умтити узайтирганди ва у кейин маошининг бир қисмини рад этди.
