"Бавария"нинг янги бош мураббийи Томас Тухель клуб билан музокаралар чоғида жамоа раҳбариятига босим ўтказди
Мюнхенликлар аслида мавсум давомида Юлиан Нагельсманн билан хайрлашиш ниятида эмас эди, аммо Тухель мавсум охиригача кутишни истамади. Журналист Рафаэль Хонигштейннинг сўзларига кўра, “Челси”нинг собиқ бошқарувчиси ҳозироқ ишга киришни хоҳлаётганини, акс ҳолда бошқа клуб билан ишлашга тайёрлигини очиқ айтган.
Олдинроқ Тухель келаси ҳафтада Лондонга учиб, "Тоттенхэм" билан музокаралар олиб бориши режалаштирилгани, "шпорлар" тез орада Антонио Конте билан хайрлашиши мумкинлиги ҳақида хабар берилганди.
