Испания терма жамоаси Евро-2024 саралашидан ўрин олган учрашувда Норвегия устидан йирик 3:0 ҳисобида ғалаба қозонди. Ўйинда "Эспаньол" ҳужумчиси Хоселу дубль қайд этди. Бу унинг учун Испания сафидаги дебют эди.
Opta хабарига кўра, Хоселу 1998 йилдан буён Испания сафидаги дебют ўйинида дубль қайд этган илк футболчи бўлди. Сўнгги бор Фернандо Морьентес бундай натижага эришганди.