Германиялик журналистлар Мюнхеннинг «Бавария» клубининг янги бош мураббийи Томас Тухелнинг маоши ҳақида маълумотга эга бўлишди.
Sport Bild хабарига кўра, мутахассис бир мавсумда тахминан 10-12 миллион евро ишлаб олади.
Тухелнинг тайинланиши 24 март куни расман эълон қилинди. У ишдан бўшатилган Юлиан Нагельсманнинг ўрнини эгаллади.
Томонлар ўртасидаги меҳнат шартномаси 2025 йилнинг ўрталарига қадар ҳисобланади.
Германия чемпионатининг жорий мавсумида «Бавария» турнир жадвалида иккинчи ўринни эгаллаб турибди. Чемпионлар лигасида «Бавария» чорак финалга чиқди ва у ерда «Манчестер Сити» билан тўқнаш келади.
