Англия терма жамоаси бош мураббийи Гарет Саутгейт ҳимоячи Рис Жеймснинг жароҳати ҳақида гапирди.
«Унинг жаҳон чемпионатини ўтказиб юборишига сабаб бўлган жароҳати қайталанди. Бу баъзида содир бўлиб туради, лекин ўйинчи ўзини яхши ҳис қилади.
У ўз клуби учун жуда муҳим, шунинг учун биз эҳтиёт бўлишимиз керак», - деди Саутгейт.
«Челси»нинг 23 ёшли ҳимоячиси жорий мавсумда АПЛда 12 та ўйинда майдонга тушиб, 1 та гол ва битта голли узатмани амалга оширди.
Бугун, 26 март куни Англия терма жамоаси Европа чемпионати – 2024 саралаш босқичи 2-тури доирасида Украина терма жамоасини қабул қилади.
