Ўзбекистон кубоги 2023 йилги мавсуми гуруҳ босқичига ўтиш ўйинлари доирасидаги иккита баҳс 26 март, якшанба куни бўлиб ўтди.
Дастлабки ўйин “Нурафшон” ва “Жиззах” жамоалари ўртасида кечди. Унда жиззахликлар 5:2 ҳисобидаги ғалабани қўлга киритди.
Яна бир баҳс “Жайхун” ҳамда “Олимпия” клублари иштирокида ўтди. Мазкур беллашувда “Олимпия” Абдураҳмон Абдуллаевнинг дубли эвазига ғалабани қўлга киритди.
Шу тариқа бу икки клуб Ўзбекистон кубогининг гуруҳ босқичи йўлланмасига эга чиқди.
“Жиззах” клуби "А" гуруҳидан жой олди. Жамоа у ерда ОКМК, “Ғиждувон” ва “Андижон-SGS” билан ўйнайди. “Олимпия” "F" гуруҳида “Андижон”, “Олимпик” ва “Навбаҳор”га қарши баҳс олиб боради.
Эслатиб ўтамиз, “Жиззах” саралашнинг дастлабки босқичида “Янгийўл” жамоасини мағлуб этган (2:0), “Олимпия” эса “Қумқўрғон”дан устун келганди (3:1).
Ўзбекистон кубоги гуруҳ босқичининг якуний кўриниши қуйидагича кўриниш олди:
Ўзбекистон кубоги
Иккинчи саралаш босқичи
26 март, якшанба
“Нурафшон” – “Жиззах” 2:5
Голлар: 0:1 – 8 Муродхўжа Жабборов, 0:2 – 10 Муродхўжа Жабборов, 0:3 – 19 Нодирбек Ибрагимов, 0:4 – 30 Азизбек Маликов, 0:5 – 54 Муҳаммад Саидаҳмедов, 1:5 – 74 Сардор Сулаймонов, 2:5 – 81, пенальти Сардор Сулаймонов.
“Жайхун” – “Олимпия” 1:2
Голлар: 0:1 – 4 Абдураҳмон Абдуллаев, 1:1 – 31 Умид Карилов, 1:2 – 67 Абдураҳмон Абдуллаев.
