"Лидс" ҳужумчиси Уильфрид Гнонтога "Ювентус" қизиқиш билдирмоқда.
La Gazzetta dello Sport хабарига кўра, Турин клуби ёзда ўз ҳужумчиси Мойсе Кин билан хайрлашишни режалаштирмоқда ва ҳозирданоқ унинг ўрнига ўринбосар қидирмоқда. Унинг ўрнига асосий номзодлардан бири - Гнонто. Манбанинг таъкидлашича, "Ювентус" аллақачон 19 ёшли италиялик футболчининг вакиллари билан музокараларни бошлаган.
Гнонто жорий мавсумда Премьер-лигада 16 та ўйинда майдонга тушиб, 2 та гол урди ва 3 та голли узатмани амалга оширди. Transfermarkt портали футболчининг нархини 18 миллион еврога баҳоламоқда.
