"Ньюкасл" ёзги трансфер ойнаси учун таркибини кучайтириш имкониятларини ўрганмоқда. The Sun нашри хабарига кўра, "қарғалар" "Манчестер Сити" ярим ҳимоячиси Калвин Филлипсга қизиқиш билдирмоқда. Қайд этилишича, “шаҳарликлар” 27 ёшли футболчи учун 43 миллион фунт (деярли 49 миллион евро) талаб қилади.
2022/2023 йилги мавсумда Калвин Филлипс “Манчестер Сити” билан 13 та ўйинда майдонда атиги 344 дақиқа ўтказди. Вазиятдан келиб чиққан ҳолда, ярим ҳимоячи клуб рўйхатини ўзгартириш ғоясига ижобий муносабатда бўлиши мумкин.
Эслатиб ўтамиз, хўжайинлар алмашганидан кейин "Ньюкасл" яхши молиявий имкониятлар билан мақтаниши мумкин.
