Италия терма жамоаси "Велес Сарсфилд" ҳужумчиси Жанлука Престианнини ўз фуқаролигига қабул қилмоқчи, деб хабар беради Calciomercato.
Манбага кўра, Италия футбол федерацияси мутасаддилари иқтидорли аргентиналик футболчининг Италия паспортини олишини таъминлаш устида ишламоқда. Футболчи итальян илдизларига эга, шунинг учун у ҳужжатларни қонуний равишда олиши мумкин.
Олдинроқ ҳужумчи "Реал" ва "Барселона" қизиқишлари доирасида экани хабар қилинганди.
17 ёшли Престианни жорий мавсумда "Велес Сарсфилд" сафида тўртта ўйин ўтказди ва битта гол урди. Аргентина U17 ёшлар терма жамоаси учун бешта ўйин ўтказиб, иккита гол урди.
