"Арсенал" ва "Манчестер Юнайтед"нинг собиқ ҳужумчиси Робин ван Перси Лондон клуби жорий мавсумда АПЛда ғолиб чиқишига ишонмоқда.
“Мавсумнинг ушбу босқичида ҳар бир очко муҳим аҳамиятга эга. "Арсенал" қийин ўйинларни ўтказди ва уларда уч очкони қўлга киритди. Чемпионлар шундай ўйнашади ва буни исботлайдилар. Аммо мавсум охири ҳар доим энг қийин бўлади.
Буни томоша қилиш қизиқ бўлади, лекин шахсан ўйлайманки, "Арсенал" АПЛда ғалаба қозонади. Бу узоқ вақтдан бери содир бўлмади, шунинг учун улар бунга эришсалар, хурсанд бўламан", - дея ван Персининг сўзларини келтиради Sky Sports.
28-турдан кейин “Арсенал” 69 очко билан АПЛ турнир жадвалида пешқадамлик қилмоқда. Бир ўйин кам ўтказган “Манчестер Сити” лондонликлардан 8 очкога ортда қолмоқда.
