Жанубий Корея ва "Наполи" ҳимоячиси Ким Мин Чже унга "Манчестер Юнайтед" ва "Тоттенхэм" қизиқиш билдираётгани ҳақидаги хабарларга изоҳ берди.
“Мени трансфер ҳақидаги миш-мишлар қизиқтирмайди, чунки улар ҳақиқатга тўғри келмайди. Ҳозир бор эътиборимни миш-мишларга эмас, “Наполи”га қаратганман. Олдинда бизни муҳим ўйинлар кутмоқда, шунинг учун ҳам диққатимни футболга қаратмоқчиман. Ёзда бошқа клубга ўтишим даргумон”, – дея Ким Мин Чжэ сўзларини келтирмоқда 90min.
26 ёшли Ким Мин Чжэ жорий мавсумда “Наполи” сафида барча турнирларда 35 та ўйинда майдонга тушиб, 2 та гол урди ва 1 та голли узатмани амалга оширди. Унинг клуб билан шартномаси 2025 йилнинг ёзига қадар мўлжалланган.
