Англия терма жамоаси ҳужумчиси Харри Кейн Европа чемпионати-2024 саралаши доирасидаги Украина устидан қозонилган ғалаба (2:0) ҳақида ўз фикрлари билан ўртоқлашди.
"Биз ғалаба қозонишимиз керак эди ва буни уддаладик. Англия терма жамоаси ҳозир ажойиб ҳолатда. Бу яхши ҳафта бўлди. 2022 йилги жаҳон чемпионатидаги муваффақиятсизликдан хафа бўлдик, аммо кучли жамоанинг белгиси бу яна тўғри йўлга туша олишдир", - дея Кейн сўзларини келтиради BBC Sport.
Англия терма жамоаси Кейн ва Букайо Саканинг голлари эвазига Украина устидан ғалаба қозонди. Жамоа Евро-2024 саралаш турнирининг “C” гуруҳида 2 учрашувдан 6 очко жамғарган ҳолда пешқадамлик қилмоқда. Украина охирги поғонада.
