"Рома" "Вулверхэмптон"нинг португалиялик ҳимоячиси Нелсон Семедуга қизиқиш билдирмоқда.
Хабарларга кўра, итальян клуби футболчини ёзги трансфер ойнасида, яъни "бўрилар" билан шартномаси тугайдиган вақтда ўз сафига қўшиб олиш имкониятини кўриб чиқмоқда. Инглиз клуби шартномани икки мавсумга узайтириш вариантидан фойдаланиши мумкин, аммо жамоа чемпионшипга тушиб кетса, португалиялик эркин агентга айланади.
29 ёшли Семеду жорий мавсумда “Вулверхэмптон” сафида барча мусобақаларда 31 та ўйинда майдонга тушди ва иккита голли узатмани амалга оширди.