"Манчестер Юнайтед" "Вулверхэмптон" ва Португалия терма жамоаси ярим ҳимоячиси Рубен Невешни сотиб олишга яқин турибди, дея хабар беради Football Insider.
Манба берган хабарга кўра, манкунианликлар футболчининг ёзги трансфер ойнасида жамоага ўтиши борасида амалда келишиб олган. Ярим ҳимоячи "Манчестер Юнайтед"га арзонлаштирилган нархда ўтиши мумкин, чунки унинг "бўрилар" билан шартномаси 2024 йилнинг ёзида якунига етади.
25 ёшли Невеш жорий мавсумда “Вулверхэмптон” сафида барча мусобақаларда 33 та ўйинда майдонга тушиб, 5 та гол урди.