«Бавария» марказий ҳимоячиси Дайот Упамекано ўз қобилиятлари ҳақида гапирди.
Франциялик футболчи 2021 йилнинг ёзида Мюнхен гранди ўйинчисига айланган ва «РБ Лейпциг»дан 42,5 миллион евро эвазига бу ерга ўтган эди.
Жорий мавсумда 24 ёшли футболчи мунтазам равишда жамоанинг асосий таркибида майдонга тушмоқда.
«Энди мен фаолиятимдаги энг яхши футболни кўрсатаман. Ўзимни анча эркин ҳис қиляпман, лекин ўйиннинг кўп жиҳатларида ҳали ҳам яхшиланишим мумкин деб ўйлайман.
Масалан, узоқ пасларни мукаммаллаштиришда давом этишим керак. Бундан ташқари, менинг позициямда кўра, кўпроқ «иккинчи қават»да ўйнаш, жамоадошларимга маслаҳатлар билан ёрдам беришим керак», деди Упамекано Le Figaro нашрига берган интервьюсида.
