«Аякс» ярим ҳимоячиси Эдсон Альваресга «Ньюкасл Юнайтед» қизиқиш билдирмоқда.
Мексикалик футболчи ўтган ёзда Англия премьер-лигасида иштирок этиши мумкин эди, аммо унинг «Челси»га ўтиши муваффақиятсизликка учради.
Журналист Экрем Кўнурнинг ёзишича, 25 ёшли футболчига «Ньюкасл» янги даъвогар бўлди. «Аякс» ярим ҳимоячи билан хайрлашишга тайёр, бироқ унинг сотувидан тахминан 50 миллион евро ишлаб олмоқчи - бу «Челси» аввалроқ таклиф қилган сумма билан бир хил. Миш-мишларга кўра, футболчига «Арсенал» ҳам қизиқиш билдирган.
Эдсон Альварес жорий мавсум «Аякс» сафида 35 та ўйинда майдонга тушиб, 4 та гол урди ва 2 та голли узатмани амалга оширди. Transfermarkt портали унинг қийматини 35 миллион еврога баҳоламоқда.
