"Барселона" ёзда марказий ҳимоячи Самуэль Умтитидан қутулиши мумкинлигига ишонмоқда. Эслатиб ўтамиз, франциялик футболчи жорий мавсум А Сериянинг "Лечче" жамоасида ижара асосида ўйнамоқда.
Sport нашри хабарига кўра, "Барселона" Умтитининг ривожланаётганига ва бу орқали ундан доимий равишда қутулишга ёрдам беришига ишонмоқда. Олдинроқ франциялик футболчининг ўзи ҳам клубга қайтиб, яна бир имконият қўлга киритишни исташи ҳақида хабар берилганди.
Эслатиб ўтамиз, Умтити "Барселона"га 2016 йилнинг ёзида келганди. Дастлаб ҳимоячи Каталония жамоасида асосий ўйинчи бўлган, бироқ тиззасидан олган жароҳатидан сўнг “Камп Ноу”даги фаолияти муваффақиятсизликка учради.
