"Брайтон" ярим ҳимоячиси Алексис Макаллистерга тўртта клуб қизиқиш билдирмоқда.
Маълумки, келаётган ёзда аргентиналик футболчининг клубини ўзгартириш эҳтимоли катта, буни отаси ҳам тасдиқлаган.
TeamTalk нашри хабарига кўра, бугунги кунга келиб, 24 ёшли футболчига асосий даъвогарлар "Ливерпуль" ва яқинда қизиқувчилар рўйхатига қўшилган "Тоттенхэм", шунингдек, "Челси" ва "Ювентус" бўлиб турибди.
Transfermarkt портали Алексис Макаллистернинг трансфер нархини 42 миллион еврога баҳолаган. Англия Премьер-лигасининг жорий мавсумида ярим ҳимоячи 22 та ўйинда қатнашиб, 7 та гол урган ва битта голли узатмани ўз ҳисобига ёздириб қўйган.
