"Манчестер Юнайтед" ярим ҳимоячиси Кристиан Эриксен жароҳатидан деярли фориғ бўлди.
31 ёшли футболчи тўпиғидан олган жароҳати сабаб январь ойидан бери майдонга тушмаяпти. Аввалроқ данияликнинг қайтиши апрель ойининг иккинчи ярмига режалаштирилган эди, аммо журналист Девид Макдоннелнинг сўзларига кўра, майдонга қайтиш анча олдинроқ - кейинги дам олиш кунларида содир бўлиши мумкин.
2 апрель куни “Манчестер Юнайтед” Англия Премьер-лигаси доирасида “Ньюкасл”га қарши майдонга тушади.
Кристиан Эриксен жорий мавсумда “қизил иблислар”нинг 31та ўйинида майдонга тушиб, икки бор гол урган ва 9 марта жамоадошларига ассистентлик қилган.
