"Манчестер Юнайтед" дарвозабони Давид де Хеа яқинда янги шартнома таклифини рад этганига қарамай, ҳозирги жамоасида қолмоқчи. Журналист Фабрицио Романо ижтимоий тармоқларда испаниялик посбон ҳали ҳам жамоаси билан янги шартнома борасида муросага келишга умид қилаётгани ҳақида хабар берди.
Де Хеанинг "Манчестер Юнайтед" билан амалдаги шартномаси жорий мавсум охирида якунига етади. Клуб раҳбарияти испаниялик дарвозабоннинг маошини сезиларли даражада камайтирмоқчи, лекин де Хеа ҳали бунга тайёр эмас.
Де Хеа 2011 йилнинг ёзидан буён “Манчестер Юнайтед” сафида ўйнаб келмоқда.
