"Manchester Yunayted" darvozaboni David de Xea yaqinda yangi shartnoma taklifini rad etganiga qaramay, hozirgi jamoasida qolmoqchi. Jurnalist Fabrisio Romano ijtimoiy tarmoqlarda ispaniyalik posbon hali ham jamoasi bilan yangi shartnoma borasida murosaga kelishga umid qilayotgani haqida xabar berdi.
De Xeaning "Manchester Yunayted" bilan amaldagi shartnomasi joriy mavsum oxirida yakuniga yetadi. Klub rahbariyati ispaniyalik darvozabonning maoshini sezilarli darajada kamaytirmoqchi, lekin de Xea hali bunga tayyor emas.
De Xea 2011 yilning yozidan buyon “Manchester Yunayted” safida o‘ynab kelmoqda.
