"Вильярреал" трансфер ойнасида ўз футболчиси Самуэль Чуквуэзе билан хайрлашишга қарши эмас. Birmingham Mail нашрининг ёзишича, “сариқ сув ости кемаси” нигериялик футболчини 17 миллион евро эвазига қўйиб юборишга тайёр бўлади.
"Астон Вилла" футболчини сотиб олмоқчи, у ерда "Вильярреал"нинг собиқ бош мураббийи Унаи Эмери ишлайди. Чуквуэзе Эмери билан "сариқ сувости кемаси"да яхши муносабатда бўлган.
Самуэль Чуквуэзе Испания чемпионатининг жорий мавсумида 4 та гол урди ва 4 та голли узатмани амалга оширди. 23 ёшли нигериялик футболчига аввалроқ “Манчестер Юнайтед” қизиқиш билдираётган эди.
