Ҳужумчи Лионель Месси "ПСЖ" билан шартномасини узайтиришга қарор қилди, деб хабар беради Marca.
Манбага кўра, 35 ёшли аргентиналик Париж клуби билан шартномани 2024 йилгача узайтиради ва кейинги мавсум охирида МЛСга ўтади ва у ерда "Интер Майами" клуби билан шартнома имзолайди.
Мессининг фикрича, Шимолий Америкага кўчиб ўтиш унга 2026 йилда АҚШ, Канада ва Мексикада бўлиб ўтадиган жаҳон чемпионатига яхшироқ тайёргарлик кўриш имконини беради.
Ҳужумчининг "ПСЖ" билан амалдаги шартномаси жорий мавсум охиригача амал қилади. Жорий мавсумда у клуб сафида барча турнирларда 32 та ўйинда майдонга тушиб, 18 та гол урди ва 17 та голли узатмани амалга оширди.
